فتح أبويا الباب ووقف سادد المدخل بكل ثبات وجبروت، وبص لأحمد وحماتي وسلفي سعيد بنظرة كانت كفيلة تخلي أي راجل يقف في مكانه. أحمد كان وشّه أصفر وعينيه زي الجمر، وحماتي واقفة وراه تحرضه وتهتف بصوت عالي في وسط السلم عشان تفضحنا قدام الجيران، وسعيد سلفي واقف حاطط إيده في جنبه وكأنه صاحب حق جاي يسترد ماله. حماتي أول ما شافت أبويا صاحت بصوت هيستيري: "أهلاً يا عم فتحي!
هي دي الأصول اللي ربيت عليها بنتك؟ تسيب بيت جوزها الفجر وتسرق أوراق ومستندات وتطفش بالبنت؟ جاية تستخبى في ح. ضنك بعد ما خربت بيت ابنها وعطلت جوازة أخوه؟ "أبويا بص لها بقرف ورفع إيده بقوة وقال بصوت هز العمارة كلها: "بس! قفلي بقك ده وما تسمعيناش صوتك! أنتي فاكرة نفسك داخلة زريبة ولا فاكرة بنتي مالهاش كبار يوقفوا الاستغلاليين عند حدهم؟ بنتي ما طفشتش، بنتي هربت من جشعكم واستعبادكم اللي استمر خمس سنين، بنتي موظفة محترمة في الشهر العقاري مش أجييرة عندكم عشان تصرف على جوازة ابنك الدلوع!
"أحمد زق أمه وطلع خطوة قدام وهو بيزعق: "يا عم فتحي أنتي مش فاهم حاجة! بنتك أخدت ورق تخصني وتخص البيت وهي نازلة، وغير كده دي كبرت الموضوع ورفضت تقف جنب أخويا في زنقته، والبيت اللي ما تقفش فيه الست جنب راجل أهل زوجها في الشدة يبقى مالهاش مكان فيه! هات لي بنتي وبنتي الصغيرة وحسابنا مش هنا!"في اللحظة دي أخويا طلعت من جوه ووقف جنب أبويا، ومسك أحمد من زغده وقال له: "أنت جاي لحد بيتنا وكمان بتعلي صوتك؟
أوراق إيه اللي بتتكلم عنها يا أستاذ؟ هي بنتك أخدت معاها غير هدومها وهدوم بنتها وبس؟ ولا أنت بتتبلى عليها عشان تحبك المحضر اللي هتعمله؟ الأكثر قراءة الان حكايات زهره الربيع 1 منذ 3 أيام ثلاث شهور حكايات رومانى مكرم 1 منذ يومين من وقت ما اتجوزت حكايات رومانى مكرم 1 منذ 4 أيام ما عاش ولا كان اللي يرفع صوته على أبويا أو يهدد أختي في بيتنا!"سعيد سلفي اتدخل بغشم وقال: "أنا ماليش دعوة بالحوارات دي كلها!
العروسة أهلها مستنيين الشبكة، وبنتكم لو ما عملتش القرض اللي اتفقنا عليه، أحمد هيطلقها وهياخد البنت بالقانون، وإحنا مش هنقف على واحدة زيها!"أبويا ضحك ضحكة استهزاء هزت السلم كله وقال لسعيد: "يا محترم.. أنت عاوز تتجوز وتتفشخر وتعمل عريس وشروط عروسك كاسرة عينك، تقوم تروح تستلف وتكسر ضهر مرات أخوك القادمة من شغلها وعرقها؟ أنت إيه من البشر؟ معندكش نقطة دم ولا نَخوة تتكفل بتكاليف جوازتك بنفسك بدل ما تلم من شقى مرات أخوك؟ "وبعدين لَف أبويا لأحمد وقال له بصوت صارم: "وأنت يا أحمد..
كلمة واحدة ومالهاش تاني: بنتي مش راجعة معاك، والقرض ده لو السماء انطبقت على الأرض مش هيتعمل. والورقة اللي كاتبها لبنتي ومهددها فيها بالواتساب موجودة، والمحضر اللي عملناه في القسم بثبت فيه طردك ليها وتهديدك بأخذ البنت بغير وجه حق شغال. لو أنت فاكر إن القانون في جيبك، يبقى نسيت إن مرتك موظفة شهر عقاري وعارفة دخلتك وخرجتك وحقوقها بالمليم!
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.